Fondacioni Qemal Stafa merr pjesë në Kongresin XXVI të Internacionales Socialiste të mbajtur në datat 25-27 Nëntor 2022 në Madrid, Spanjë, organizuar nga Partia Socialiste e Punëtorëve Spanjolle, PSOE.
Kongresi u ndoq nga më shumë se 450 pjesëmarrës nga rreth 100 delegacione nga të gjitha kontinentet. Pjesëmarrësit përfshinin krerët e shteteve dhe qeverive, drejtuesit e partive dhe mysafirë të ftuar posaçërisht.
Temat kryesore të Kongresit ishin: sigurimi i paqes dhe forcimi i demokracisë; puna për barazinë mes grave dhe burrave; ndalimi dhe kthimi i ndryshimeve klimatike; arritja e një ekonomie të drejtë dhe gjithëpërfshirëse; dhe të drejtat e punës dhe dixhitalizimi.
Objektivi i përbashkët i Kongresit nga të gjitha partitë anëtare ishte vullneti për të vazhduar hapjen e rrugës së demokracisë sociale, ndërtimin e mekanizmave që mbrojnë çdo njeri, forcimin e institucioneve demokratike, garantimin e barazisë gjinore dhe të drejtave të grave dhe mbrojtjen e të drejtave dhe lirive të njeriut nëpër botë.
