Fondacioni Qemal Stafa bëhet pjesë e rrjetit ‘‘Miqtë e Ballkanit Perëndimor’’, mbledhur në datat 13-15 Nëntor 2022 në Pragë, Çeki dhe organizuar nga FEPS, Fondacioni Friedrich-Ebert, Dialogue Southeast Europe, Renner Institut, Masarykova demokratická akademie, Fondacioni Kalevi Sorsa, Fondacioni Jean-Jaurès, Fondacioni Max van der Stoel, Društvo Progresiva, Olof Palme International Center në bashkëpunim me CeSPI.
Misioni i rrjetit ‘‘Miqtë e Ballkanit Perëndimor’’ është t’u ofrojë parlamentarëve të BE-së më shumë njohuri dhe informacion mbi situatën aktuale në Ballkanin Perëndimor dhe gjendjen e procesit të zgjerimit. Për më tepër, rrjeti do të ofrojë mundësi për shkëmbime perceptimesh dhe idesh me palët e interesuara të Ballkanit Perëndimor dhe do të mbështesë lidhje më të ngushta ndërmjet BE-së dhe socialdemokratëve të Ballkanit Perëndimor.